Our school has a long history of 30 years of service and is located in a rural area in Pallikere panchayat.
Saturday, 15 November 2014
സാലഡ് തയ്യാര്‍
രക്ഷാകര്‍തൃസംഗമം
എസ്.എസ്.എ യുടെ പ്രത്യേക നിര്‍ദ്ദേശപ്രകാരം സ്കൂളില്‍ രക്ഷാകര്‍തൃസംഗമം സംഘടിപ്പിച്ചു.ഉച്ചയ്ക്ക് 2.മണിയോടെ അമ്പതോളം രക്ഷാകര്‍ത്താക്കള്‍ സംഗമത്തിനായി എത്തി. രണ്ട് വാര്‍ഡ് മെമ്പര്‍മാരും
പി.ടി.എ പ്രസിഡണ്ടും സംഗമത്തിനെത്തി. പി.ടി.എ പ്രസിഡണ്ട് ശ്രീ വി.രാഘവന്റെ അധ്യക്ഷതയില്‍
സ്കൂള്‍ ഹെഡ്മിസ്ട്രസ് ശ്രാമതി പി.ബേബി ടീച്ചര്‍ സംഗമത്തിന് സ്വാഗതം പറഞ്ഞു. വാര്‍ഡ് മെമ്പര്‍
ശ്രീമതി പി.ഗംഗ സംഗമം ഉദ്ഘാടനം ചെയ്തു. പഞ്ചായത്ത് മെമ്പര്‍ ശ്രീമതി ബി.കൈരളി ,മാതൃ
സമിതി പ്രസിഡണ്ട് ശ്രീമതി ഓമനകുമാരി ,ശ്രീമതി ഹേമ വി.പി എന്നിവര്‍ ആശംസകള്‍
അര്‍പ്പിച്ച് സംസാരിച്ചു. തുടര്‍ന്ന് പ്രേമലത ടീച്ചര്‍,വാസുദേവന്‍ മാഷ് എന്നിവര്‍ ക്ലാസുകള്‍
കൈകാര്യം ചെയ്തു. എസ്.എസ്.എ യുടെ മൊഡ്യൂള്‍ പ്രകാരം ക്ലാസുകള്‍ പുരോഗമിച്ചു.കുട്ടികളുടെ
വളര്‍ച്ച, ആരോഗ്യം , പഠനം എന്നീ മേഘലകളില്‍ ഊന്നിക്കൊണ്ടായിരുന്നു ക്ലാസുകളും ചര്‍ച്ചയും
നടന്നത്. സ്മാര്‍ട്ട് സ്കൂള്‍ ,ക്ലീന്‍ സ്കൂള്‍ നടപ്പാക്കുന്നതില്‍ രക്ഷിതാക്കളുടെ സഹകരണം ഉറപ്പിക്കാന്‍
സാധിച്ചു. ലൈറ്റ് റിഫ്രഷ് മെന്റായി കാപ്പിയും ബിസ്കറ്റും നല്‍കി. 4.30 വരെ പരിപാടി നീണ്ടുപോയി.
ഹേമടീച്ചര്‍ നന്ദി പറഞ്ഞതോടെ പരിപാടി അവസാനിച്ചു.
പ്രത്യേക ബാലസഭ
ശിശുദിനം പ്രമാണിച്ച് രാവിലെ സ്കൂളില്‍ അസംബ്ലി സംഘടിപ്പിച്ചു. തുടര്‍ന്ന് കുട്ടികളുടെ പ്രത്യേകബാലസഭ സ്കൂള്‍ ഹെഡ്മിസ്ട്രസ് ശ്രീമതി പി.ബേബിടീച്ചര്‍ ഉദ്ഘാടനം ചെയ്തു. സാക്ഷരം കുട്ടികളെ ഫോക്കസ് ചെയ്തുകൊണ്ടാണ്
പരിപാടി സംഘടിപ്പിച്ചത്. നാലാം ക്ലാസിലെ ആയിഷത്തില്‍ ഷെറീന പരിപാടിക്ക് സ്വാഗതം പറഞ്ഞു .
അധ്യാപകരായ വാസുദേവന്‍മാഷും ,ഹേമടീച്ചറും ,പി.ടി.എ.അംഗമായ മല്ലിക എ.വി യും പരിപാടിക്ക്
ആശംസകള്‍ അര്‍പ്പിച്ച് സംസാരിച്ചു. തുടര്‍ന്ന് കുട്ടികളുടെ വിവിധപരിപാടികളായിരുന്നു. സാക്ഷരം
കുട്ടികള്‍ ഒറ്റയ്ക്കും ഗ്രൂപ്പുകളായും പരിപാടികള്‍ അവതരിപ്പിച്ചു.എല്ലാവരും വളരെ ഉത്സാഹത്തിലായിരുന്നു.മിക്കവാറും
എല്ലാ അവതരണങ്ങളിലും സാക്ഷരം കുട്ടികളുടെ സാന്നിധ്യം ഉണ്ടായിരുന്നത് പ്രശംസനീയവും സന്തോഷകരവും ആയിരുന്നു. ഉച്ചയ്ക്ക് 1.മണിയോടെ മുഹമ്മദ് തബ്ഷീര്‍ പരിപാടിക്ക് നന്ദി പറഞ്ഞതോടെ
പരിപാടി അവസാനിച്ചു.
വിളവെടുപ്പ്
Wednesday, 29 October 2014
സ്വീകരണം
29.10.2014 ,ബുധന്‍
ബേക്കല്‍ സബ് ജില്ലാ കായികമേളയ്ക്കുള്ള ദീപശിഖാപ്രയാണം കല്ല്യോട്ട് ജി.എച്ച്.എസ്.എസ് ല്‍ നിന്നും ആരംഭിച്ച് ജി.എച്ച്.എസ്.എസ് ഉദുമയിലേക്ക് നീങ്ങുന്നതിനിടയില്‍ ഞങ്ങളുടെ സ്കൂളിലെ കുട്ടികളുടേയും
പി.ടി.എ യുടേയും നാട്ടുകാരുടേയും സ്വീകരണം ഏറ്റുവാങ്ങി.ഉച്ചയ്ക്ക് 12.30 നോടടുത്ത് ഗ്രൗണ്ടില്‍ പ്രവേശിച്ച
ദീപശിഖാപ്രയാണത്തെ സ്കൂള്‍ ലീഡര്‍ അര്‍ജുന്‍ . കെ മാലയിട്ട് സ്വീകരിച്ചു. ദീപശിഖ ഏറ്റുവാങ്ങിക്കൊണ്ട് അര്‍ജുനും സ്കൂളിലെ മറ്റ് അത് ലറ്റുകളും ഗ്രൗണ്ടില്‍ ഒരുവട്ടം വലംവെച്ചു. അധ്യാപകരും പി.ടി.എ യും ചേര്‍ന്ന്
ഒരുക്കിയ കാപ്പി സല്‍ക്കാരം സ്വീകരിച്ച് പ്രയാണം പാക്കം-പള്ളിക്കരയിലേക്ക് നീങ്ങി.
Tuesday, 28 October 2014
ശാസ്ത്രോത്സവം-പ്രവൃത്തി പരിചയ-ഗണിതശാസ്ത്രമേള
ബേക്കല്‍ ഉപജില്ലാ ശാസ്ത്ര-ഗണിതശാസ്ത്ര-പ്രവൃത്തിപരിചയമേള ഒക്ടോബര്‍ 27,28 തിയതികളില്‍ ഇക്ബാല്‍ ഹയര്‍ സെക്കന്ററി സ്കൂളില്‍ വെച്ച് നടന്നു.ഞങ്ങളുടെ സ്കൂളില്‍ നിന്ന് ആറ് കുട്ടികള്‍ തല്‍സമയമത്സരത്തില്‍ പങ്കെടുത്തു.ഇതില്‍ എല്ലാ കുട്ടികളും ഗ്രേഡ് കരസ്ഥമാക്കി.വെജിറ്റബിള്‍ പ്രിന്റിങ് -ഷംന .കെ -എ ഗ്രേഡോടെ മൂന്നാം സ്ഥാനം കരസ്ഥമാക്കി.ബീഡ്സ് വര്‍ക്ക്--കരീമ നസ്രീന്‍ -എ ഗ്രേഡ് ,എംബ്രോയിഡറി--അജ്മല ഫര്‍വീന്‍- എ ഗ്രേഡ് ,പേപ്പര്‍ ക്രാഫ്റ്റ്--ഫാത്തിമത്ത് ജുമൈന .കെ -ബി ഗ്രേഡ് ,അഗര്‍ബത്തി നിര്‍മാണം--അര്‍ജുന്‍ പി.വി -സി ഗ്രേഡ് ,ഗണിതപസില്‍-ഷംന.എന്‍ -എ ഗ്രേഡ് എന്നിങ്ങനെയാണ് ഞങ്ങളുടെ കുട്ടികളുടെ ഗ്രേഡ് നില.എല്ലാവരും നല്ല നിലവാരം പുലര്‍ത്തി .
Thursday, 23 October 2014
പ്രവൃത്തിപരിചയമേള
സബ് ജില്ലാ ശാസ്ത്ര-ഗണിതശാസ്ത്ര-പ്രവൃത്തിപരിചയമേളയില്‍ പങ്കെടുക്കാന്‍ കുട്ടികള്‍ ഒരുങ്ങുന്നു.ഫാബ്രിക് പ്രിന്റിങ്,എംബ്രോയിഡറിവര്‍ക്ക് ,പേപ്പര്‍ക്രാഫ്റ്റ്,ബീഡ്സ് വര്‍ക്ക് ,അഗര്‍ബത്തിനിര്‍മാണം,ഗണിതപസില്‍ തുടങ്ങിയ ഇനങ്ങളിലാണ് കുട്ടികള്‍ പങ്കെടുക്കുന്നത്.
Subscribe to:
Posts (Atom)