ഉണര്‍ത്ത് പഠനക്യാമ്പ്-സാക്ഷരം 2014
20-09-2014,ശനിയാഴ്ച രാവിലെ 10 മണിക്ക് വാര്‍ഡ് മെമ്പര്‍ ശ്രീമതി.ബി.കൈരളി ഉദ്ഘാടനം ചെയ്തു.
പി.ടി.എ.പ്രസിഡന്‍റ് ശ്രീ.വി.രാഘവന്റെ അധ്യക്ഷതയില്‍ പ്രധാനാധ്യാപിക ശ്രീമതി പി.ബേബി സ്വാഗതം
പറഞ്ഞു.മാതൃസമിതി പ്രസിഡന്‍റ് ശ്രീമതി ഓമനകുമാരി ആശംസയര്‍പ്പിച്ച് സംസാരിച്ചു.സീനിയര്‍ അസിസ്റ്റന്‍റ് ശ്രീ.വാസുദേവന്‍ ചടങ്ങിന് നന്ദി രേഖപ്പെടുത്തി സംസാരിച്ചു.മൂന്ന് ,നാല് ക്ലാസുകളിലെ ഏകദേശം എല്ലാ കുട്ടികളും ക്യാമ്പില്‍ പങ്കെടുത്തു.കുറെ രക്ഷിതാക്കളും ക്യാമ്പില്‍ പങ്കെടുക്കാന്‍
എത്തിയിരുന്നു. ശ്രീ.ഷൈജിത്ത് മാഷാണ് ക്ലാസ് കൈകാര്യം ചെയ്തത്.ക്യാമ്പിന്റെ ഭാഗമായി കുട്ടികള്‍ക്കും
രക്ഷിതാക്കള്‍ക്കും ചായയും ഉപ്പുമാവും ഉച്ചഭക്ഷണവും വിതരണം ചെയ്തു.രസകരമായ പ്രവര്‍ത്തനങ്ങളോടെയാണ്
ക്യാമ്പ് മുന്നോട്ട് നീങ്ങിയത്.വായ്ത്താരികളും,ഭാഷാകേളികളും ,കഥകളും ,അക്ഷരപ്പാട്ടുകളും,കളികളും,നിര്‍മാണ
പ്രവര്‍ത്തനങ്ങളും ഒക്കെയായി വൈകുന്നേരം 4.30 വരെ പരിപാടി നീണ്ടുനിന്നു. സാക്ഷരം കുട്ടികളെ ഓരോ
ഗ്രൂപ്പിലും നേതൃസ്ഥാനത്ത് നിര്‍ത്തിക്കൊണ്ടും അവര്‍ക്ക് പ്രാധാന്യം നല്‍കിക്കൊണ്ടും ആണ് പരിപാടി ആസൂത്രണം ചെയ്തിരുന്നത്. എച്ച്.എം.ബേബിടീച്ചര്‍,വാസുദേവന്‍മാസ്റ്റര്‍,ഹേമടീച്ചര്‍,പ്രേമലതടീച്ചര്‍ എന്നിവര്‍
ക്യാമ്പിന് നേതൃത്വം നല്‍കി.
