15.08.2015 ,ശനി
ഈ വര്ഷത്തെ സ്വാതന്ത്ര്യദിനം സമുചിതമായി ആഘോഷിച്ചു. പ്രധാന അധ്യാപികയുടെ അഭാവത്തില് സീനിയര് അസിസ്റ്റന്റ് ശ്രീ വാസുദേവന്മാഷ് രാവിലെ അസംബ്ലിയില് പതാക ഉയര്ത്തി. തുടര്ന്ന് നടന്ന പൊതുയോഗത്തില് വാസുദേവന് മാഷ് സ്വാഗതം ആശംസിച്ചു.പി.ടി.എ പ്രസിഡണ്ട് ശ്രീമതി ഓമനകുമാരിയുടെ അധ്യക്ഷതയില് യോഗം ആരംഭിച്ചു. മെമ്പര് ശ്രീ ടി. നാരായണന് ,മുന് എച്ച്.എം ശ്രീമതി ഭാര്ഗ്യവി ടീച്ചര്,വിവിധക്ലബ് ഭാരവാഹികള്,ശ്രീമതി ഹേമ വി.പി തുടങ്ങിയവര് ആശംസകള് അര്പ്പിച്ച് സംസാരിച്ചു.തുടര്ന്ന് കഴിഞ്ഞ അധ്യയനവര്ഷത്തില് സ്കൂളിലെ നാലാം ക്ലാസില് നിന്നും ഏറ്റവും മികച്ച മാര്ക്ക് കരസ്ഥമാക്കിയ അശ്വതി എ.വി എന്നകുട്ടിക്ക് സന്നദ്ധസംഘടനയായ സൗഹൃദവേദി പാക്കം വകയായി എന്റോവ്മെന്റും കാഷ് അവാര്ഡും സര്ട്ടിഫിക്കറ്റും വിതരണം ചെയ്തു. സംഘടനാ പ്രോഗ്രാംകമ്മിറ്റി അംഗങ്ങളായ ശ്രീ വിനോദ്കുമാര്,ശ്രീ രാജന് എന്നിവരും സന്നിഹിതരായിരുന്നു.മാതൃസമിതി പ്രസിഡണ്ട് ശ്രീമതി ടി. ഗിരിജ പരിപാടിക്ക് നന്ദി പറഞ്ഞു. കുട്ടികള്ക്ക് മിഠായി വിതരണം നടത്തി. തുടര്ന്ന് കുട്ടികളുടെ കലാപരിപാടികള് നടന്നു. ഉച്ചയ്ക്ക് 12 മണിയോടെ കുട്ടികള്ക്ക് പായസവിതരണവും നടത്തി.
No comments:
Post a Comment