വയോജനദിനാചരണം

      ഒക്ടോബര്‍ 01, ലോകവയോജനദിനം  സ്കൂളില്‍ വിപുലമായി ആഘോഷിച്ചു. സ്കൂളില്‍ നിന്നും മുന്‍പ് വിരമിച്ച രണ്ട് പ്രധാന അധ്യാപകരെ ആദരിക്കല്‍ ചടങ്ങായിരുന്നു പ്രധാനം. രാവിലെ 11 മണിക്ക് പ്രാര്‍ഥനയോടെ യോഗം ആരംഭിച്ചു. പി.ടി.എ പ്രസിഡണ്ട്  ശ്രീമതി ഓമനകുമാരിയുടെ അധ്യക്ഷതയില്‍  സ്കൂള്‍ ഹെഡ് മിസ്ട്രസ് ശ്രീമതി രാജേശ്വരി ടീച്ചര്‍ സ്വാഗതം പറഞ്ഞു.വാര്‍ഡ് മെമ്പര്‍ ശ്രീമതി പി ഗംഗ ആശംസകള്‍ നേര്‍ന്ന് സംസാരിച്ചു. തുടര്‍ന്ന് മുന്‍ ഹെഡ് മാസ്റ്റര്‍ ശ്രീ കുഞ്ഞിരാമന്‍മാഷിനെ ശ്രീമതി പി ഗംഗയും  മുന്‍ ഹെഡ് മിസ്ട്രസ് ശ്രീമതി ഭാര്‍ഗ്യവിടീച്ചറിനെ എച്ച്.എം ശ്രീമതി രാജേശ്വരിടീച്ചറും  പൊന്നാട അണിയിച്ച്  ആദരിച്ചു. ശ്രീ വാസുദേവന്‍ മാഷും ശ്രീമതി പ്രേമലതടീച്ചറും ആശംസകള്‍ അര്‍പ്പിച്ച് സംസാരിച്ചു.  ആദരിക്കപ്പെട്ടവരുടെ മറുപടിപ്രസംഗത്തിനുശേഷം  ശ്രീമതി ഹേമടിച്ചര്‍ ചടങ്ങിന് നന്ദി പറഞ്ഞു.കുട്ടികളുടേയും രക്ഷിതാക്കളുടേയും സാന്നിധ്യം ചടങ്ങ് മികവുറ്റതാക്കി.ചടങ്ങില്‍ വയോജനദിന പ്രതിജ്ഞയെടുത്തു.

ഓണാഘോഷം

21.08.2015  വെള്ളി
സ്കൂളില്‍ ഓണപ്പരിപാടി ഗംഭീരമായി ആഘോഷിച്ചു.രാവിലെ തന്നെ കുട്ടികള്‍ വര്‍ണപ്പൂക്കളുമായി സ്കൂളിലെത്തി.
ഓരോ ക്ലാസിലും കുട്ടികള്‍ മത്സരിച്ച് പൂക്കളമൊരുക്കി.ഓണക്കളികളും പാട്ടുകളും ഒക്കെയായി ആനന്ദത്തിലായിരുന്നു.അമ്മമാരും  അദ്യാപകരും നാട്ടുകാരും ചേര്‍ന്ന്  വിഭവസമൃദ്ധമായ ഓണസദ്യ ഒരുക്കി.
പപ്പടവും പാല്‍പ്പായസവും കൂട്ടി സദ്യയുണ്ട കുട്ടികള്‍ ഓണാഘോഷം നന്നായി ആസ്വദിച്ചു.

സ്വാതന്ത്ര്യദിനാഘോഷം

    15.08.2015  ,ശനി 
ഈ വര്‍ഷത്തെ  സ്വാതന്ത്ര്യദിനം സമുചിതമായി ആഘോഷിച്ചു. പ്രധാന അധ്യാപികയുടെ അഭാവത്തില്‍ സീനിയര്‍ അസിസ്റ്റന്റ്  ശ്രീ  വാസുദേവന്‍മാഷ്  രാവിലെ അസംബ്ലിയില്‍ പതാക ഉയര്‍ത്തി. തുടര്‍ന്ന് നടന്ന പൊതുയോഗത്തില്‍ വാസുദേവന്‍ മാഷ്  സ്വാഗതം ആശംസിച്ചു.പി.ടി.എ പ്രസിഡണ്ട്  ശ്രീമതി ഓമനകുമാരിയുടെ അധ്യക്ഷതയില്‍ യോഗം ആരംഭിച്ചു. മെമ്പര്‍ ശ്രീ ടി. നാരായണന്‍ ,മുന്‍ എച്ച്.എം ശ്രീമതി ഭാര്‍ഗ്യവി ടീച്ചര്‍,വിവിധക്ലബ്  ഭാരവാഹികള്‍,ശ്രീമതി ഹേമ വി.പി തുടങ്ങിയവര്‍ ആശംസകള്‍ അര്‍പ്പിച്ച് സംസാരിച്ചു.തുടര്‍ന്ന് കഴിഞ്ഞ അധ്യയനവര്‍ഷത്തില്‍ സ്കൂളിലെ നാലാം ക്ലാസില്‍ നിന്നും ഏറ്റവും മികച്ച മാര്‍ക്ക് കരസ്ഥമാക്കിയ അശ്വതി എ.വി എന്നകുട്ടിക്ക്  സന്നദ്ധസംഘടനയായ  സൗഹൃദവേദി പാക്കം വകയായി എന്റോവ്മെന്റും കാഷ് അവാര്‍ഡും സര്‍ട്ടിഫിക്കറ്റും വിതരണം ചെയ്തു. സംഘടനാ പ്രോഗ്രാംകമ്മിറ്റി അംഗങ്ങളായ ശ്രീ വിനോദ്കുമാര്‍,ശ്രീ രാജന്‍ എന്നിവരും സന്നിഹിതരായിരുന്നു.മാതൃസമിതി പ്രസിഡണ്ട് ശ്രീമതി ടി. ഗിരിജ പരിപാടിക്ക്  നന്ദി പറഞ്ഞു. കുട്ടികള്‍ക്ക് മിഠായി വിതരണം നടത്തി. തുടര്‍ന്ന് കുട്ടികളുടെ കലാപരിപാടികള്‍ നടന്നു. ഉച്ചയ്ക്ക് 12 മണിയോടെ കുട്ടികള്‍ക്ക്  പായസവിതരണവും നടത്തി.

ആരോഗ്യബോധവല്‍ക്കരണക്ലാസ്

      11.08.2015, ചൊവ്വ 
രാവിലെ  11 മണിക്ക് സ്കൂളില്‍ ജനറല്‍ബോഡിയോഗം നടന്നു. ആരോഗ്യബോധവല്‍ക്കരണം എന്നതായിരുന്നു പ്രധാന അജണ്ട. ഹെഡ് മിസ്ട്രസ്  ശ്രീമതി രാജേശ്വരി ടീച്ചര്‍ പരിപാടിക്ക് സ്വാഗതം ആശംസിച്ച്  സംസാരിച്ചു.
പി.ടി.എ പ്രസിഡണ്ട്  ശ്രീമതി  ഓമനകുമാരി ചടങ്ങില്‍ അധ്യക്ഷത വഹിച്ചു. തുടര്‍ന്ന്  പള്ളിക്കര പി.എച്ച്.സി
ഹെല്‍ത്ത്  ഇന്‍സ്പെക്ടര്‍ സ്കൂളിലെ കുട്ടികളേയും രക്ഷിതാക്കളേയും ഉള്‍പ്പെടുത്തിക്കൊണ്ട്  ക്ലാസ് ആരംഭിച്ചു.
അനുദിനം  വര്‍ദ്ധിച്ചുവരുന്ന പകര്‍ച്ചവ്യാധികളെകുറിച്ചും അവയുടെ കാരണങ്ങളെകുറിച്ചും പിടിപെടാതിരിക്കാന്‍ നാം ശ്രദ്ധിക്കേണ്ട കാര്യങ്ങളെകുറിച്ചും വിശദവും വ്യക്തവുമായിരുന്നു ക്ലാസ്. ഏറ്റവും പ്രധാനപ്പെട്ട കാര്യം ശുചിത്വം പാലിക്കുക എന്നതാണെന്നും അദ്ദേഹം വ്യക്തമാക്കി.ഏകദേശം 45 മിനുട്ടോളം സംശയങ്ങളും സംശയനിവാരണങ്ങളും ചര്‍ച്ചകളും ഒക്കെയായി ക്ലാസ്  നീണ്ടുനിന്നു. തുടര്‍ന്ന്  സ്വാതന്ത്ര്യദിനാഘോഷം,ഓണപ്പരിപാടി  എന്നിവ കൊണ്ടാടുന്നതിനുവേണ്ടിയുള്ള ആലോചനകള്‍ക്കുശേഷം
12.30 ഓടെ യോഗം അവസാനിച്ചു. സ്റ്റാഫ്  സെക്രട്ടറി ശ്രീ വാസുദേവന്‍മാഷ് പരിപാടിക്ക് നന്ദി പറഞ്ഞു.

ചാന്ദ്രദിനം

           ജുലൈ 21 ചാന്ദ്രദിനം സ്കൂളില്‍ ആഘോഷിച്ചു. രാവിലെ സ്കൂള്‍ അസംബ്ലിയില്‍ ദിനത്തിന്റെ പ്രാധാന്യത്തെക്കുറിച്ച്  ഓരോ അധ്യാപകരും കുട്ടികളോട് സംസാരിച്ചു. ഉച്ചയ്ക്ക് ചാന്ദ്രദിനക്വിസ്  നടത്തി.അനന്യ.വി,അഖില്‍ചന്ദ്രന്‍.സി എന്നീ കുട്ടികള്‍ ഒന്നാം സ്ഥാനം നേടി.രണ്ടാം സ്ഥാനം
ശ്യാം പ്രകാശിനായിരുന്നു. മൂന്നു മണിക്കു ശേഷം ചാന്ദ്രയാത്ര,നാസ എന്നീ സി.ഡികളുടെ പ്രദര്‍ശനം
നടത്തി.

ജനറല്‍ ബോഡി യോഗം 2015-16

          09.07.2015,വ്യാഴം
                 ഈ വര്‍ഷത്തെ സ്കൂള്‍ ജനറല്‍ ബോഡി യോഗം ജൂലൈ 09 വ്യാഴാഴ്ച  ഉച്ചയ്ക്ക്  2.30ന്  സ്കൂളില്‍  വെച്ച് നടന്നു. സ്കൂള്‍ ഹെഡ് മിസ്ട്രസ്  ശ്രീമതി രാജേശ്വരി.കെ.എന്‍.  സ്വാഗതം പറഞ്ഞു. 
പി.ടി.എ പ്രസിഡണ്ട്  ശ്രീ വി.രാഘവന്റെ  അധ്യക്ഷതയില്‍  വാര്‍ഡ് മെമ്പര്‍  ശ്രീമതി  പി.ഗംഗ  യോഗം
ഉദ്ഘാടനം ചെയ്തു. തുടര്‍ന്ന്  സീനിയര്‍ അസിസ്റ്റന്റ്  ശ്രീ  വാസുദേവന്‍മാഷ്  റിപ്പോര്‍ട്ടും വരവു ചെലവ്  കണക്കും അവതരിപ്പിച്ചു.ചര്‍ച്ചയ്ക്കുശേഷം  അംഗങ്ങള്‍ റിപ്പോര്‍ട്ടും വരവു ചെലവു കണക്കും കയ്യടിച്ച് അംഗീകരിച്ചു.
തുടര്‍ന്ന്  പുതിയ ഭാരവാഹികളെ തെരഞ്ഞെടുക്കലായിരുന്നു.അതിനുമുമ്പുതന്നെ  നിലവിലെ  പി.ടി.എ പ്രസിഡണ്ട്  സ്ഥാനം ഒഴിഞ്ഞതായി പ്രഖ്യാപിച്ചു.
              ഇരുപതംഗ  പ്രവര്‍ത്തകസമിതിയെ തെരഞ്ഞെടുത്തു. അവരില്‍നിന്ന്  പി.ടി.എ പ്രസിഡണ്ടായി ശ്രീമതി സി.ഓമനകുമാരിയേയും  വൈസ് പ്രസിഡണ്ടായി  ശ്രീമതി  ശ്രീദേവിയേയും മാതൃസമിതി പ്രസിഡണ്ടായി  ശ്രീമതി  ടി.വി .ഗിരിജയേയും  തെരഞ്ഞെടുത്തു. പുതിയ പി.ടി.എ പ്രസിഡണ്ട്  നന്ദി പറഞ്ഞതോടെ  യോഗം പിരിച്ചുവിട്ടതായി അധ്യക്ഷന്‍ അറിയിച്ചു.

കെട്ടിടോദ്ഘാടനം

 

26.06.2015, വെള്ളി ഉച്ചയ്ക്ക്  2.30 ന്  ബഹു. എം.പി യുടെ അഭാവത്തില്‍  ഉദുമ എം.എല്‍.എ ,ശ്രീ .കെ.കുഞ്ഞിരാമന്‍ അവര്‍കള്‍  നാടമുറിച്ചും  നിലവിളക്ക് കൊളുത്തിയും  പുതിയ സ്കൂള്‍ കെട്ടിടത്തിന്റെ  ഉദ്ഘാടനകര്‍മം  നിര്‍വഹിച്ചു. മെമ്പര്‍ ശ്രീ.ടി.നാരായണന്‍ പരിപാടിക്ക്  സ്വാഗതം ആശംസിച്ചു.പള്ളിക്കര ഗ്രാമപഞ്ചായത്ത്  പ്രസിഡന്റ്  ശ്രീ.കുന്നൂച്ചി കുഞ്ഞിരാമന്‍  അധ്യക്ഷത വഹിച്ചു. കെട്ടിടത്തിനായി ഫണ്ട്  അനുവദിച്ചുതന്ന  എം.എല്‍.എ,നിര്‍മാണം ഏറ്റെടുത്ത്  പൂര്‍ത്തിയാക്കിത്തന്ന കോണ്‍ട്രാക്ടര്‍ എന്നിവര്‍ക്ക്
ഉപഹാരം  നല്‍കി ആദരിച്ചു. പഞ്ചായത്ത്  വൈസ്  പ്രസിഡന്റ്, മെമ്പര്‍മാര്‍ ,മുന്‍ ഹെഡ് മാസ്റ്റര്‍മാര്‍ ,
നാട്ടിലെ പ്രമുഖര്‍ ,ക്ലബ്  ഭാരവാഹികള്‍  തുടങ്ങിയവര്‍  ആശംസകള്‍ അര്‍പ്പിച്ച്  സംസാരിച്ചു. സ്കൂള്‍  ഹെഡ് മിസ്ട്രസ്  ശ്രീമതി  രാജേശ്വരി ടീച്ചര്‍  ചടങ്ങിന്  നന്ദി പറഞ്ഞു. പരിപാടിയുടെ ഭാഗമായി കുട്ടികള്‍ക്കും നാട്ടുകാര്‍ക്കും ലഘുഭക്ഷണം വിതരണം ചെയ്തു.